青瓦厝e安妮(台英雙語．附台語朗讀) [有聲書] 出版公司:前衛出版 作者:Lucy Maud Montgomery 類型:親子童書-兒童文學 PDF電子書 繁體中文版

商品資料
作者：Lucy Maud Montgomery
出版社：前衛出版
出版年：2022
課程類型：親子童書>兒童文學
檔案格式：PDF
ISBN：9786267076125

書籍簡介
世界經典「紅髮安妮」、「清秀佳人」頭一部台文譯本
這擺，咱用台語陪伴彼个紅頭毛ê孤女
tī運命ê考驗kap生活ê冒險當中
做伙走揣人生ê歸屬kap成長ê意義
 
「世界文學台讀少年雙語系列」以建立青少年對在地主體ê認同以及hùn闊ê世界觀為目標，thai選各國世界名著，以台文進行忠於原典ê翻譯轉寫，收錄原文雙語，透過台灣話閱讀經典文學ê真髓，引tshuā讀者認bat各國無仝時間、空間ê真實面腔kap文化內涵。
 
本系列第二冊《青瓦厝ê安妮》（原文：Anne of Green Gables）íng過bat以「清秀佳人」、「紅髮安妮」ê冊名tshìng規台灣。作者Montgomery透由生動ê文采風格，描寫因為tîng-tânn ê安排，安妮無sè-jī來到「亞檬里ê青瓦厝」，本成自卑、愛眠夢koh青狂ê伊，ta̍uh-ta̍uh-á建立信心，tshuē-tio̍h有疼愛、有恩典ê人生觀ê過程。伊領受tio̍h予人疼惜ê真愛，積極、真誠來疼顧伊身軀邊ê人。上無簡單ê是：安妮幫助家己kah伊囡仔時受傷ê心和解，伊tshuē-tio̍h真正ê家己kah永遠ê歸屬，有影使人感動。
 
有聲朗讀，精彩試聽：青瓦厝ê安妮｜第一章．起頭
 
本書特色
 
1.世界文學經典《青瓦厝ê安妮》（紅髮安妮、清秀佳人）頭一擺台英對譯，將孤女安妮感動ê成長故事，用台語ê情境來表現本土氣味，親切好讀。
 
2.附台語有聲朗讀QRcode，配合故事情境ê精彩配樂，閱讀對照無負擔，台英學習真利便。
 
3.精緻插圖表現主角性格kah故事情節、硬精裝典藏。
 
名人推薦
 
感心推薦──
方耀乾（國立台中教育大學台灣語文學系特聘教授、詩人）
江文瑜（國立台灣大學語言學研究所教授、詩人）
李勤岸（國立中正大學台灣文學與創意應用研究所教授、詩人）
陳正雄（台文筆會理事長）
張學謙（國立台東大學華語文學系教授）
游素玲（國立成功大學外國語文學系教授）
 
出版贊助──
天母扶輪社、北區扶輪社、明德扶輪社
至善扶輪社、天和扶輪社、天欣扶輪社

作者簡介
編者簡介
 
陳麗君
 
新營人。國立成功大學台文系所副教授，兼任新聞中心主任、性別kah 婦女研究中心研究員、《台灣語文研究》執行編輯等。長期tshui-sak 台灣各族群（原住民、台語、新住民）社會語言學研究kah 活動。最近發表新冊《新移民、女性、母語ê 社會語言學》（2021）。
 
編輯助理／高于棋
 
成大台文大二ê學生。Bat 擔任校刊ê 主編、《中市青年》專欄。Battio̍h 中台灣聯合文學獎新詩組首獎、全球華文青年文學獎散文組入圍等獎項。
 
譯者簡介
 
黃昭瑞
 
高雄原生種。國立臺南女中英文教師。原底台語無liàn 轉，有身期間智覺tio̍h 台灣各種語言lóng 強beh 絕種去，就決定beh kah gín-á 講台語。十二年來kā 華、英語故事口譯做台語故事，建立規家伙á ê 台語基礎。Bat 擔任葫蘆巷讀冊協會理事，期間tī 新樓幼兒園hām 市立圖書館講台語故事，鼓勵爸母kah gín-á 講母語。
 
校對簡介
 
台文譯者兼校對／白麗芬
 
彰化人。教育部、成大台語認證專業級。104 年全國語文競賽閩南語字音字形社會組第一名。金安出版社 《咱來考C》、《臺語活詞典首冊》 編輯委員，全國語文競賽閩南語朗讀稿作者。Bat 擔任語文競賽講師、評審，台語認證研習講師。作品散見 《台文罔報》、《海翁台語文學》、《台客詩刊》、《臺江臺語文學季刊》等。
 
英文校對／蘇凰蘭
 
美國Illinois University at Urbana-Champaign 東亞語言文化博士。國立臺東大學華語文學系副教授。學術興趣是母語教育、雙語讀寫、語言學習動機kap hānn 語言實踐。
 
繪者簡介
 
Asta Wu 吳雅怡
 
現此時是專職ê 插畫家，畫插圖、畫繪本mā 畫圖像小說，啖試各種創作ê 方式，目前tng-leh 往寫故事ê 方向伐進。佮意神話、民俗傳說kah 貓咪，上愛tī 作品內底藏小動物kah tsē-tsē 無kâng款式ê 彩卵。（astawu.com IG：Asta Wu）
 
台文校對兼錄音指導／林月娥
 
嘉義水上人。成大台文所碩士，成大kah 教育部台語認證C2 專業級。國立屏東大學台語課程講師kah 語文競賽評委；高雄市台語認證研習講師；95 年全國語文競賽台語即席演說kah 97 年台語朗讀第一名，102 年教育部閩客語文學獎教師組現代詩第二名kah 107年屏東縣閩客原文學獎散文社會組第一名。詩文散見《海翁台語文學》、《教育部電子報》、高雄歷史博物館ê「高雄小故事」。
 
有聲朗讀者簡介
 
有聲朗讀（說書kap姑婆等）／林月娥
 
台語是阮ê枕頭伴，上愛用好聽ê聲音，講上suí ê台語！
 
有聲朗讀（安妮）陳宥蓁（14 歲）
 
屏東縣屏東市中正國中。上愛跳舞，台語、客語雙聲帶，語文競賽定定tio̍h 頭名。
 
有聲朗讀（馬修 等男聲）／許廷安（12 歲）
 
屏東縣屏東市中正國中。中正國小畢業tio̍h 縣長獎，堅持用台語講出對老師kah對阿母ê感謝。
 
有聲朗讀（瑪俐kap 黛娜）／潘韵弦（11 歲）
 
屏東縣屏東市中正國小。阿母講：認真讀冊tsiok要緊，台語講會láu愈gâu！
 
有聲朗讀（萊義柏 等男聲）／張胤玄（11 歲）
 
屏東縣屏東市中正國小。愛

章節